Ftesa

BudizmiShqip

Meditimi dhe mënyra e jetesës Budiste

 Artist: Aloka, used with permission by the owners: Padmaloka Retreat Centre, all rights reserved

 

Ftesa nga Oraja (Oriah)

 

 

Nuk më intereson

çfarë bëni për të jetuar.

Unë dua të di për

atë që ju dhëmb

dhe nëse ju guxoni të ëndërroni

për përmbushjen e mallit të zëmrës tuaj.

 

Nuk më intereson

sa jeni të vjetër.

Unë dua të di

nëse ju do të rrezikoni të

dukeni si një budalla

për dashurinë

për ëndrrën tuaj

për aventurën e të qënit gjallë.

 

Nuk më intereson

çfarë planetesh bëjne katror hënën tuaj...

Unë dua të di

nëse ju keni prekur

qëndrën e pikëllimit tuaj

nëse ju keni qënë të hapur

nga tradhëtitë e jetës

ose jeni bërë të rregjur dhe të mbyllur

nga frika e dhimbjes së mëtejshëme.

 

Unë dua të di

nëse ju mund të uleni me dhimbjen

timen ose tuajën

pa lëvizur për ta fshehur atë

ose për ta zbehur

apo rregulluar atë.

 

Unë dua të di

nëse ju mund të qëndroni me gëzimin

timin ose tuajin

nëse ju mund të kërceni me të egrën

dhe të lëni ekstasinë t'ju mbushi

deri te gishtat e këmbëve

pa na paralajmëruar për

të qënë të kujdesshëm

për të qënë realistë

për të kujtuar kufizimet

e të qënurit njeri.

 

Nuk më intereson

nëse historia që ju po më tregoni

është e vërtetë.

 

Unë dua të di nëse ju mund të

zhgënjeni një tjetër

për të qënë të vërtetë me veten tuaj.

Nëse ju mund të duroni

akuzën e tradhëtisë

dhe të mos tradhëtoni vetë shpirtin tuaj.

Nëse ju mund të jeni të pabesë

dhe për këtë arsye të besueshëm.

Unë dua të di nëse ju mund të shihni Bukuri

edhe kur ajo nuk është e këndshme

çdo ditë.

Dhe nëse ju mund të buroni jetën tuaj

nga prania e saj.

 

Unë dua të di

nëse ju mund të jetoni me dështimin

tuajin dhe timin

dhe ende të qëndroni në buzë të liqenit

dhe ti bërtisni argjendit të hënës së plotë

"Po."

 

Nuk më intereson

të di se ku jetoni

ose sa para keni.

Unë dua të di nëse ju mund të zgjoheni pas natës së pikëllimit dhe dëshpërimit

të lodhur dhe të vrarë deri ne kockë

dhe të bëni atë që duhet bërë

për të ushqyer fëmijët.

 

Nuk më intereson

se kë ju njihni

ose se si ju erdhët deri këtu.

Unë dua të di nëse ju do të qëndroni

në qëndër të zjarrit

me mua

dhe të mos tkurreni përsëri.

 

Nuk më intereson

ku ose çfarë, ose me kë

ju keni studiuar.

Unë dua të di

se çfarë ju mban

nga brenda

Kur gjithçka tjetër rrëzohet.

 

Unë dua të di

nëse ju mund të rrini vetëm

me veten tuaj

dhe nëse me të vërtetë ju pëlqen

kompania që mbani

në momentet bosh.

 

Nga Oraja © Endërruese e Malit (Oriah © Mountain Dreaming)